የአእምሮ ህመምን በተገቢ መንገድ የሚያሳየው ፊልም!!

October 21 2020
       በፕሮፌሰር ናሽ የምርምር ስራና ከአእምሮ ህመም ጋር የነበረውን ውጣ ውረድ የሚያሳየው “A Beautiful Mind” የተሰኘው ፊልም ላይ እንደሚታየው ጆን ናሽ ወጣት እያለ ባጋጠመው ስኪዞፍሬኒያ የተባለ የአእምሮ ህመም ምክኒያት የዩኒቨርሲቲ ትምህርቱንም ሆነ የምርምር ስራውን ማከናወን ተቸግሮ ነበር፡፡ መጀመሪያ ላይ ህመሙን ስላልተቀበለ መድሀኒቱን በተገቢው መንገድ አይወስድም ነበር፡፡ በዚህም ምክኒያት በ1960ዎቹ መጀመሪያ በተደጋጋሚ የአእምሮ ሆስፒታል ተኝቶ ነበር፡፡
በኃላ መድሀኒቱን በትክክል እየወሰደ ህመሙ እየተሻለው ወደ ምርምር ስራው ተመለሰ፡፡ ባለ ምጡቅ አእምሮው ጆን ናሽ አብዛኛው የምርምር ስራዎቹ በሂሳብና በኢኮኖሚክስ ላይ ያተኮሩ ነበሩ፡፡ (የቀመራቸውን ጽንሰ ሀሳቦች ስማቸውን ከማንበብ ውጭ ምንነታቸው ላይ ምንም እውቀት የለኝም፡፡)
ፕሮፌሰር ናሽ በሂሳብና ኢኮኖሚክስ ላበረከተው ከፍተኛ አስተዋፅኦ በ1994 የኖብል ሽልማትን አግኝቷል፡፡
በሽልማት ስነ ስርአቱ ላይ ከተናገረው በጥቂቱ፦
“…ሁሌም በቁጥር አምን ነበር፡፡ ቀመሮችና ተጠየቅ ወደ ምክኒያት ያመራሉ፡፡ ነገር ግን ጥያቄዎች ነበሩኝ፡፡ ተጠየቅ ምንድነው? አንድ ነገር ምክኒያታዊ ይሁን አይሁን ማነው ሚወስነው? እነዚህ ጥያቄዎች ብዙ ቦታ ወስደው መልሰውኛል፡፡ የሚታዪና የማይታዩ ቦታዎች፡፡ በመጨረሻ ግን የምርምር ስራዬና የህይወቴን ታላቁን ግኝት አገኘሁ፡፡ ወደ ምክኒያት ሊደረስ የሚቻለው በሚስጥራዊው የፍቅር ቀመር ብቻ ነው፡፡” ከዛም እንባ ባቀረሩ አይኖቹ ወደ ሚስቱ እየተመለከተ “ዛሬ እዚህ የደረስኩት ባንቺ ምክኒያት ነው፡፡በመውጣት መውረዴ ውስጥ አብረሽኝ ስለነበርሽ አመሰግናለሁ…..” ንግግሩን ሲጨርስ ፕሮፌሰር ናሽ ከባለቤቱ ጋር የመጀመሪያ የፍቅር ቀጠሯቸው ቀን የሰጠችውን ማሀረብ ከኪሱ አውጥቶ አውለበለበላት፡፡…
ይህንን ፊልም ሁላችሁም እንድታዩት እጋብዛችኋለው።
ዶ/ር ዮናስ ላቀው

Leave a Comment

Your email address will not be published. Required fields are marked *

Share via
Copy link
Powered by Social Snap