መስከረም 11 የአለም የአልዛይመር ቀን!!

September 21 2020

በዓመት 10 ሚሊዮን ሰዎችን የሚያጠቃው የአልዛይመር በሽታ ‹‹ ስለ የመርሳት በሽታ እንነጋገር›› በሚል መሪ ቃል እየታሰበ ነው::

በመላው አለም መስከረም 11 የሚከበረው የአልዛይመር ቀን ዘንድሮም ስለ መርሳት በሽታ ወይም ዲሜንሽያ እንነጋገር በሚል መሪ ቃል እየታሰበ ነው፡፡

አልዛይምር በጣም የተለመደው የመርሳት በሽታ ወይም ዲሜኒሽያ አይነት ሲሆን በመለስተኛ የመርሳት ችግር የሚጀምርና ቀስ በቀስ በውይይት ወይም በሌላ ነገር ሲሳተፉበት በነበረ ጉዳይ ላይ ምላሽ መስጠት አለመቻል ብሎም ያሉበትን አካባቢ እስከ መርሳት የሚያደርስ ነው ፡፡

ይህም ችግር አስተሳሰብን ፣ ትውስታን እና ቋንቋን የሚቆጣጠሩ የአንጎል ክፍሎችን ያጠቃልላል፡፡

ችግሩ ሲባባስ የአንድ ሰው የዕለት ተዕለት እንቅስቃሴዎችን የማከናወን አቅም ያግዳል፡፡

እድሜ ለአልዛይመር መጋለጥ ዋና ምክንያት መሆኑን ሲዲሲ ባዋጠው ጥናት ሲያሳይ፤ የቤተሰብ ዘረመል ፤ የአመጋገብ ሁኔታ፤ የስራና መኖሪያ አካባቢ፤ ከፍተኛ የደም ግፊት፤ ስትሮክ፤የልብ ህመም እንዲሁም የኮሌስትሮል መጠን መጨመር ለበሽታው መነሻ ናቸው፡፡

በሽታው በብዛት በአዛውንቶች ላይ እንደሚጎላ ጥናቶች ቢያሳዩም ወጣቶችም የበሽታው ተጠቂ ናቸው ተብሏል፡፡

አካላዊ ፣ አእምሯዊ እና ማህበራዊ እንቅስቃሴዎች የአልዛይመር በሽታ ተጋላጭነትን ሊቀንሱ ይችላሉ ተብለው በመፍትሔነት ተጠቁመዋል፡፡

በየአመቱ 10 ሚሊዮን ሰዎች በአልዛይመር እንደሚጠቁ የአለም ጤና ድርጅት መረጃ ያመለክታል፡፡

#EBC

Leave a Comment

Your email address will not be published. Required fields are marked *

Share via
Copy link
Powered by Social Snap