ሩሲያ ይፋ ያረገችው የኮቪድ-19 ክትባት‼️

 

August 11 2020

በሩሲያ ተዘጋጅቶ ያለቀው የኮቪድ-19 ክትባት በሞስኮ ጋመሌያ ኢንስቲቱዩት የተዘጋጀ ሲሆን ይኸው ክትባት ዛሬ ከሀገሪቱ ጤና ሚኒስቴር ማረጋገጫን አግኝቷል።

የራሲያ ፕሬዝዳንት ቭላድሜር ፑቲን ዛሬ ነሃሴ 5 ቀን 2012 አ.ም በጠዋቱ አንዳስታወቁት ሩሲያ ሳርስ-ኮቭ 2ን (ኮሮናቫይረስ) የሰው ልጅ ሰውነት አንዲቋቋመው የሚስችል ክትባት ማግኘቷንና ክትባቱ በሴት ልጃቸውም ተሞክሮ ውጤታማ አንደሆነ ተናግረዋል።

ልጃቸው ክትባቱን ከወሰደች በኋላ መጠነኛ ሙቀን እንደነበራት የገለፁቱት ፕሬዚዳንቱ ከቆይታ በኋላ ግን መጠናኛ ሙቀቱ መጥፋቱን ተናግረዋል።

“እሰከማውቀው ድረስ በአለም ላይ ለመጀመርያ ጊዜ ውጤታማ የሆነ ክትባት ለማስመዝገብ ችለናል። ለአለም ወሳኝ የሆነ ነገር ላበረከቱትና እዚህ ክትባት ላይ የተረባረቡ ባለሙያዎችን ሁሉ አመሰግናለው ።” በማለት ለሀገራቸው መንግስት ባለስልጣኖች ባደረጉት ንግግር ተናግረዋል። ፑቲን አክለውም ክትባቱን የሚፈልግ የሀገራቸው ዜጋ በፍቃድ ላይ በተመሰረተ ውሳኔ መከተብ ይችላል ማንንም አናስገድድም በማለት መናገራቸውን አርቲ ሚዲያ ዘግቧል። የራሺያ ጤና ሚኒስትር ሚካኤል ሙራሽኩ በክትባቱ ላይ ዝርዝር መረጃ እንደሚሰጡ ፑቲን ተናግረዋል። ክትባቱ በሩስያ ወታደራዊ ተቋም እንደሰራ ተጠቁሟል።

Updates

August 12 2020

ስፑትኒክ ቪ ክትባት‼️

ሩሲያ ትናንት ነሐሴ 5/2012 ዓ.ም ይፋ ያረገችውን አዲሱን የሳርስ-ኮቭ 2(ኮሮናቫይረስ) ክትባት “ስፑትኒክ ቪ” በማለት ሰየመች።
ከ20 በላይ ሀገራት ክትባቱ ይፋ በተደረገ በተወሰኑ ሰዓታት ውስጥ ብቻ የክትባቱን 1ቢሊዮን ብልቃጥ ማዘዛቸውን ሞስኮ ገልጻለች።

ለሌሎች ሀገራት ገበያ የሚቀርበው ክትባት “ስፑትኒክ ቪ” የሚል መለያ እንዲኖረው የወሰነችው ሩሲያ ስያሜው
የዓለማችንን የመጀመሪያዋን “ሳተላይት” ለማስታወስና ሞስኮ የኮሮናቫይረስ ክትባትን በቀዳሚነት ይፋ የማድረጓን
ስኬትም ከዚሁ ጋር ለማስተሳሰር ታስቦ እንደተሰጠ አስታውቃለች።

ነገር ግን ይህ የሩሲያ ጤና ሚኒስቴር ጥቅም ላይ እንዲውል የፈቀደው ክትባት በWHO ዝርዝር መሰረት የክትባት ሙከራ ሶስተኛ ደረጃ ላይ ከደረሱ ከ6 የኮቪድ-19 ክትባቶች መሀከል አይመደብም:: አንድ ክትባት ሶስተኛ የሙከራ ደረጃ ላይ ሲደርስ በዛ ላሉ ሰዎች ክትባቱ ተሰጥቶ ጥናት ይካሄድበታል::

ባሳለፍነው ሳምንት የአለም ጤና ድርጅት ሩሲያን አለም አቀፋዊ የክትባት አሰራር ህግን እንድትተገብር እያሳሰበ እንደነበር የሚታወስ ነው:: ነገርግን ፕሬዝዳንት ፑቲን ክትባቱ ማለፍ የሚገባውን ደረጃ ሁሉ አልፎ ፍቱንነቱ እንደተረጋገጠ ተናግረዋል::

READ  ቫይታሚን ዲ (Vitamin D) እና ኮቪድ-19 !!

#ሮይተርስ

August 12 2020

#Update

የዓለም ጤና ድርጅት ሩሲያ ስራ ላይ ለማዋል ያዘጋጀችው አዲሱ የኮሮናቫይረስ ክትባት ውጤታማነትና ትክክለኛነት ላይ ከሩሲያ ጋር ውይይት እያደረገ መሆኑን አስታውቋል።

ድርጅቱ ከሩሲያ የጤና ዘርፍ ባለሥልጣናት ጋር በጉዳዩ ላይ በቅርበት እየተነጋገረ እንደሚገኝ ገልጿል።

ለክትባት ዝግጅቱ የሚያስፈልጉ ሁሉም መስፈርቶች ማሟላቱን ለማረጋገጥ እየተሰራ መሆኑን የዓለም ጤና ድርጅት ቃል አቀባይ ታሪክ ገጃሳሬቪክ በጄኔቫ መናገራቸውን ሮይተርስን ዋቢ አድርጎ ኢቢሲ ዘግቧል።

 

Leave a Comment

Your email address will not be published. Required fields are marked *

Share via
Copy link
Powered by Social Snap