You are currently viewing ሙሉ በሙሉ በኢትዮጵያውያን ሀኪሞች የተሰራ ከባድ የልብ ቀዶ ህክምና!

ሙሉ በሙሉ በኢትዮጵያውያን ሀኪሞች የተሰራ ከባድ የልብ ቀዶ ህክምና!

ይህ ባንቴል ፕሮሲጀር የተሰኘ በአይነቱ ከባድ የሆነ የልብ ቀዶ ህክምና ለመጀመሪያ ጊዜ በኢትዮጵያውያን ባለሞያዎች ብቻ በተመሰረተ የህክምና ቡድን በድል ተከናውኗል::
ይህ ባሳለፍነው ቅዳሜ በዶክተር ፈቀደ አግዋር በተመራ የቀዶ ጥገና ቡድን የተደረገው ቀዶ ህክምና 9 ሰአታትን የፈጀ ሲሆን የተሰራውም የከፋ ደረጃ ላይ የደረሰ ኦርቲክ ሪገርጂቴሽን በሽታ እና ኦርቲክ ሩት አኑሪዝም በሽታዎችን ለማከም ሲሆን ህክምናው የተደረገው ለ23 አመት ታካሚ ነበር:: እነዚህ በሽታዎች የልብ እና ደምን ከልብ ወደሰውነት የሚወስደው ትልቅ ደምስር (Aorta) በሽታዎች ሲሆኑ ታካሚው ተገቢውን የህምና እርዳታ በተገቢው ጊዜ ካላገኘ ለከፋ የጤና ጠንቅ እና ሞት የሚያደርሱ ናቸው::
ባንቴል ፕሮሲጀር ደምን ከልብ ወደሰውነት የሚወስደው ትልቅ ደምስርን(aorta) እና ደም ከኦርታ ወደ ልብ እንዳይመለስ የሚያደርገውን መቀርቀሪያ(Aortic Valve) በከፊል ለመተካት የሚደረግ ቀዶ ህክምና ነው::

ህክምናው ሙሉ በሙሉ በሀገር ዉስጥ ጤና ባለሞያዎች ሲሰራ ከሰሀራ በታች ባሉ ሀገራት ውስጥ የመጀመሪያው ነው::

©Hakim

Leave a Reply